النهاردة الاحد ان شاء الله هتكون اولي الجلسات لنظر قضية الزميلين علاء القهوجي وشيماء جمعه ممكن نكون اتأخرنا في التأكيد علي ميعاد الجلسة بس ادينا لسه فيها اليوم الاحد الساعة 9 صباحا باذن الله هنكون كلنا صحفيين ومحامين وحقوقيين موجودين في قاعة المحكمة بالمنصورة" مش مجمع المحاكم لكن المحكمة اللي علي البحر "وان شاء الله تكون الناس كلها متجمعة وتكون وقفتنا واحدة عشان هدف واحد بس هو ان قلمنا يكون حر ومش "مقصوف "واحنا بناشد كل زمايلنا وكل الناس اللي بتهتم بحرية الرأي والصحفيين كمان طالما كانوا بيظهروا كلمة حق بعيد عن اية تجاوزات عن اي فئة استثنائية وان شاء الله تكون القضية الخاصة بزملائنا في الدستور بداية لوحدة الكلمة ما بين الصحفيين في الدقهلية وده بدء قبل القضية ومع توقيع غالبية المراسلين بالدقهلية علي بيان الادانة لما يحدث من تربص للصحفيين ويارب يكون اليوم انذار للجميع اننا كلنا واحد وهندافع عن حرية اي واحد فينا كأننا بندافع عن نفسنا لان القضية واحدة ومستنيينكوا النهاردة باذن الله وتكون اخر القضايا ومش اخر وقفاتنا جمب بعض
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
0 التعليقات:
إرسال تعليق